الجمعة، 22 يونيو، 2012

بين .. بين



عن إنك تبقى في منطقة رمادية بين حاجات كتير
بين الأبيض .. والأسود
بين الحق .. والباطل
بين الحب .. واللاحب
بين النور .. والظلام
بين الإستمتاع .. والملل
بين إنك تحاول تسرق الهوا .. ومتلاقيش
بين إنك تحاول تشوف قدامك .. ومفيش
بين إنك تحاول .. وإنك تتجمد
بين إن الدنيا كان فيها حاجات كتيرة جداً لما مكانش فيها حاجات كتير
بين الزمن السهل الهادي الرايق البسيط البطيء .. والزمن الصعب المتعكر الملخبط السريع
بين كان .. وبقينا
بين إنك تحس إنه مكانك مش هنا .. وإنك هنا
بين وبين حاجات كتير
بين إحساسك لما عقلك يشتغل كتير ومتلاحقش عليه وقت ما تحب ترتاح .. وبين إنه يبقى صفحة بيضا وقت ما تحبه يشتغل
بين عِند حاجات كتير معاك .. وحاجات كتير بتجيلك كده
بين كتير بيحاول يشدك ناحيته .. وواحد بس إنت رايحله برجلك
بين إنك بتحاول تطول السما .. أو تفضل واقف ع الأرض

بين .. بين
بين الحالات والحاجات والناس .. بين وبين وبين بتوه


ساره عاشور

ليست هناك تعليقات:

إرسال تعليق